దేశ ప్ర‌జ‌ల‌కు, భ‌విష్య‌త్తు సీజేఐల‌కు రాష్ట్రపతి ఏం చెప్పాల‌నుకుంటున్నార‌ని క‌ర్నాట‌క మాజీ సీఎం సిద్ధ‌రామ‌య్య ప్ర‌శ్నించారు. ఎంఐఎం చీఫ్ అస‌దుద్దీన్ ఓవైసీ ఈ చ‌ర్య‌ను విమ‌ర్శించారు. న్యాయ‌వ్య‌వ‌స్థ‌పై దీని ప్ర‌భావం ఉంటుంద‌ని అస‌ద్ అన్నారు. ఇదేమైనా క్విడ్‌ప్రోకోనా అని ఆయన అడిగారు. ఆప్ ఎమ్మెల్యే రాఘ‌వ చ‌ద్దా కూడా గొగోయ్ నామినేష‌న్‌ను త‌ప్పుప‌ట్టారు. ఈ చర్య త‌ప్పుడు సంకేతాన్ని ఇస్తుంద‌ని, న్యాయ‌వ్య‌వ‌స్థ‌పై ఇది తీవ్ర విఘాతాన్ని క‌లిగిస్తుంద‌ని ఎమ్మెల్యే రాఘ‌వ తెలిపారు.
రంజన్ గొగోయ్ గ‌త ఏడాది న‌వంబ‌ర్ 17వ తేదీన రిటైర్ అయ్యారు. 2018 అక్టోబ‌ర్ 3వ తేదీ నుంచి 2019, న‌వంబ‌ర్ 17 వ‌ర‌కు ఆయన 46వ చీఫ్ జ‌స్టిస్‌గా చేశారు. ఆయన సారథ్యంలోని రాజ్యాంగ ధర్మాసనం అయోధ్య భూ వివాదం, శబరిమల, రాఫెల్‌ యుద్ధ విమానాల ఒప్పందంపై దాఖలైన పిటిషన్లపై తీర్పులు ఇచ్చింది.
